JISIKIE VIZURI NA JIONE MTANASHATI

 

kujisikia vyema kuhusu mwili wako ni jambo la msingi sana katika kujiona wewe ni bora.... ukijisikia vyema juu ya mwili wako lazima utautunza na kuwa mtanashati na pia na kujisikia vyema muda mwingi.

kujisikia vizuri kuhusu mwili wako hakuhitaji wewe kuwa mwembamba, unahitajika kuwa fit na mwenye afya njema na kujisikia vyema. vyovyote ulivyo wewe ni mzuri tatizo ni huo tunajisahau kujali afya zetu matokeo yake tunaangukia kwenye kula vyakula ambavyo vinatupelekea kwenye unene uliopitiliza ambao si mzuri kiafya.

hivyo basi vyovyote ulivyo jisikie vyema.... hakikisha unakula chakula bora na kufanya mazoezi mara kwa mara.

MADHARA YA VIATU VYA MCHUCHUMIO( high heels)

 

 

kwa miaka mingi viatu vya mchuchumio vimekua ni rafiki mkubwa wa wanawake na viatu hivi vina faida mbali mbali kama vile mwana mke kuonekana wa kileo, kuonekana mrefu, kuonekena una miguu mizuri na shepu nzuri....

 lakini pia viatu hivyo hivyo vya mchuchumio vina madhara makubwa kwa wavaaji ambayo yanaweza kuhatarisha afya ya mvaaji, madhara hayo ni kama:
- maumivu ya miguu
- kushindwa kutembea sawasawa
- maumivu ya mgongo
- sugu na vidole kwenda upande

MADHARA YA UTUMIAJI WA MIRUNGI (khat)

 

Matatizo na madhara ya Mirungi yaligunduliwa mwanzo katika mwaka 1935 na League Of Nations, Mwaka 1970 taasisi ya tiba ikaitenga madhara ya cathinone yanayopatikana katika Mirungi ambayo kikemikali inafanana na amphetamine, na hivyo katika mwaka 1971 ikaorodheshwa na United Nation kuwa ni miongoni mwa madawa ya kulevya.

 

mirungi

 

Utumiaji wa Mirungi husababisha madhara mbalimbali kiafya kama:

1. Magonjwa ya vidonda vya tumbo (ulcers)
2. Ukosefu wa haja kubwa (constipation)
3. Utumiaji wa muda mrefu husababisha kuharibu utendaji kazi wa ini, na pia kusababisha ubadilikaji rangi meno, kudhoofika, na fizi kuuma na harufu ya mdomo
4. Upungufu wa msukumo wa kufanya jimaa (sex drive). Na pia kuwahi kumaliza haraka na kutoweza kudumu kwenye tendo la ndoa kwa muda mrefu;
5. Kupatwa na ugonjwa wa futuru/futuri/bawasiri/baasili – nyama inaoota kwenye utupu wa nyuma
6. Upungufu wa usingizi
7. Humpelekea mlaji kutawaliwa nayo (Addiction)
8. Walaji wengi huvuta na sigara, hata yule aliyekuwa havuti kabla ya kuanza kula Mirungi, hujikuta akizama kwenye uvutaji, na madhara huwa maradufu

 

mirungi

 

mirungi hujulikana pia kwa majina mbalimbali kama vile gomba, shamba, miraa, khat na kadhalika

sharo milionea afariki dunia...

Habari zilizoifikia blog ya cheyfitness hivi punde zinaripoti kwamba Msanii-Muigizaji wa filamu na mchekeshaji nchini maarufu kwa jina la "Sharo Milionea" amefariki dunia kwa ajali mbaya ya gari iliyotokea huko Lusanga, Muheza mkoani Tanga majira ya saa  2 usiku jana,

     Hussein Mkiety aka sharo milionea

 

Uongozi wa Blog ya cheyfitness unatoa pole kwa ndugu,jamaa, marafiki na watanzania wote kwa ujumla

Mungu ailaze roho ya Marehemu mahali pema peponi....Amen.

FAIDA ZA SABUNI YA LIWA (sandalwood soap)

historia ya matumizi ya mti wa liwa katika kuboresha na kuipa afya ngozi inaanzia zamani sana katika nchi za Egypt, China na India...kwa miaka mingi sana inajulikana kwa uwezo wake wa kuboresha ngozi na kuipa afya...liwa imeweza kutengenezwa katika mionekano mbalimbali kama mafuta, maji ya liwa na sabuni....

 

kwa wale ambao hawajawahi kuuona mti wa liwa ndio huu unakua mkubwa kabisaaaa

 

tukizungumzia sabuni ya liwa ambayo ina faida nyingi katika ngozi zetu ambazo ni:
i)  kulainisha ngozi
ii) kufanya ngozi iwe nyororo na yenye afya
iii)pia inasaidia kuondoa muwasho, harara, vipele na harufu mbaya

sabuni ya liwa

jamani hizi sabuni ni nzuri sana na zina saidia sana kama una vijimatatizo vya hapa na pale vya ngozi na unataka kuboresha ngozi yako basi jaribu kuogea sabuni ya liwa

NB: kama ukitumia liwa na ukiona inakuharibu ngozi badala ya kuipa afya acha kuitumia mara moja na umuone daktari

VITUKO MICHEZONI

 

 

huyu sijui atatua vipi jamani maana matairi ndio hayoooooo

 

huu ni mchezo gani jamani.....mmmh

nimerudi tena

habari zenu wapenzi wa blog hii,

nawaomba radhi kwa kupotea na kutokuandika kwa muda mrefu ni mambo yaliyokuwa nje ya uwezo wangu yaliyosababisha hali hiyo
lakini sasa nimerudi tena na nguvu mpya...
pamoja sana

karibuni tena